Twitterreko produkzio- jardueran oinarritutako infografikoa

http://visual.ly/

INFOGRAFIKOAK

 INFOGRAFIKOAK

<a href='http://visual.ly/'><img src='http://bit.ly/WhzZHD' border='0'/></a>
MIKEL SANTISO/JESUS PEREZ

Euskal Unibertsitateak estatuko kalitatezkoenetarikoak dira Consumer aldizkariaren arabera

Mikel SANTISO

            Eroski Consumer taldeak egindako ikerketa baten arabera, Euskal Unibertsitateak, estatuko maila aintzat hartuta, kalitate handiko unibertsitateak dira, masifikazio gutxi, gradu eta master eskaintza zabala, baliabide  teknologiko egokiak eta matrikula kostu ez oso handia daukatelako.

Aurtengo ikasturtearen hasiera ekitaldia Euskal Herriko Unibertsitatean, estatuko mailarik altueneko unibertsitateetako batean.

           

Euskal Herriko Unibertsitatea (EHU), Mondragon Unibertsitatea, Deustuko Unibertsitatea, Nafarroako Unibertsitatea eta Nafarroako Unibertsitate Publikoa (NUP) espainiar estatuko unibertsitate sareko ikastokien artean oso kalitate ona eskaintzen duten unibertsitateak direla baieztatu du Eroski Consumer taldeak egindako ikerketak.

Masifikazioari dagokionez, hau da, irakasle bakoitzari dagozkion ikasle kopuruari dagokionez, Deustuko Unibertsitateak dauka ratiorik onena, 7,2 ikasle baititu irakasle bakoitzeko. Baina hala eta guztiz ere, estatuko bataz bestekoa baino txikiagoa dute euskal unibertsitateek, 8,9ko ratioa, estatukoa 13 ikaslekoa denean.

            Ikerkuntzaren alorrean ere, oso maila altua dute euskal unibertsitateek. Iaz, 572 doktoretza tesi defendatu ziren, hauetatik 321 EHUn eta 182 Nafarroako Unibertsitatean.

            Estatuko bataz bestekoaren azpitik, alor bakar batean jarduten dute EHU eta Mondragon Unibertsitateak, administrazio eta zerbitzuetako langileen ratioari dagokionean hain zuzen. Estatuko bataz bestekoa 0,45 AZL dira irakasle bakoitzeko, eta EHU eta Mondragon Unibertsitatean 0,2 eta 0,3an ezartzen dira ratio horiek eskuarki. Baina bestalde, AZL ratioa gainditzen duen euskal unibertsitaterik ere badago, Nafarroako Unibertsitatea hain zuzen, non bataz bestekoa 1,3 AZL irakasle bakoitzeko mailaraino igotzen den.

Teknologia berriei erreparatuz gero, Deustuko Unibertsitatea eta Mondragon Unibertsitatea gailentzen dira, hiru ikasleko ordenagailu bat eskaintzen baitute. Gainerako euskal unibertsitateetan egoera ez da hain ona, 9 eta 12 ikasleren artean banatu behar baitute ordenagailu bakar bat. Enpresa alorrean ere bi dira nabarmentzeko puntuak: bata, Mondragon Unibertsitatearen tamaina ikusita enpresa munduarekin daukan hitzarmen kopuru izugarria, 600 enpresarekin baititu sinatuta ikastaldi-hitzarmenak.  Beste oinarri garrantzitsua euskal unibertsitateen eskaintza zabala da, Europara egokitutako 200 gradu bano gehiago eskaintzen baitituzte.

            Masterrak ere geroz eta garrantzitsuagoak dira unibertsitateen arteko lehian, eta hemen ere ez dira atzean geratzen euskal unibertsitateak. EHUk dauka eskaintza zabalena, 100 master inguru eskaintzen baititu. Deustun eta Nafarroako Unibertsitatean hogeita hamar bat master eskaintzen dituzte, hogei NUPen eta hamar Mondragon Unibertsitatean.

Masifikaziorik gutxien daukatenen artean jarraitzen dute euskal unibertsitateek, EROSKI CONSUMERrek ateratako gidaren arabera

Euskal unibertsitateek masifikaziorik gutxien daukatenen artean jarraitzen dutela frogatu du EROSKI CONSUMERrek, aurtengo datuak bildu ondoren. Beraien gradu, titulu eta master ofizialei buruzko informazioa eman dute, bakoitzak eskaintzen dituen berezitasunak aldenduz. Modu honetan, antzeman dute EHU dela master ofizial gehien eskaintzen dituen unibertsitatea eta Nafarroako dela aldiz, irakaskuntzan ari ez diren langile gehien daukan Unibertsitatea.
         
             Espainiako Estatuko unibertsitate- sistema aintzat hartuta, irakasle bakoitzari zenbat ikasle dagozkion kalkulatu da. Euskal Unibertsitateari dagokionez, batez beste 8,9 ikasle daude irakasle bakoitzeko. Estatuko batez besteko orokorra 12,4 dela kontuan hartuz, Deustuk, ratiorik onena dauka 7,2 ikasle irakasle bakoitzeko. Mondragon unibertsitatean berriz, 7,8 ikasle daude irakasle bakoitzeko eta Nafarroako Unibertsitate Publikoan, 8,5. Bestalde, Nafarroako Unibertsitate Pribatuak gainditu egin duela Estatuko batez besteko orokorra, ikasgela bakoitzean, 13 ikasle baitaude irakasle bakoitzeko. Hemen aipatzekoa da Europako Goi Mailako Hezkuntzaren esparruak ikasle eta irakasle kopuruen arteko erlaziori ematen dion garrantzia. Talde honen arabera, irakaskuntza “pertsonalizatuagoa” lortzea da zutaberik nagusiena.

            Bestalde, ikerkuntza jardunaren aldetik, EHUk eta Nafarroako Unibertsitateak daukate jardunik oparoena. Izan ere, euskal unibertsitateetan defendatu diren 572 doktore tesietatik, EHUn 321 egin dira eta Nafarroako Unibertsitatean, 182. Administrazioko eta Zerbitzuetako Langileei (AZL) dagokionez, berriz, Mondragon Unibertsitateak eta EHUk daukate langilerik gutxien arlo horietan. Bi ikastegi hauetan AZL- irakasle ratioari erreparatuz gero, unibertsitate sistema guztizko apalena daukatela frogatu al izan dute.

Ordenagailu kopuruak eta master ofizialak
Honetaz aparte, EROSKI CONSUMERrek ordenagailu kopuruen eta masterren inguruko datuak ere aztertu dituzte. Ordenagailuei dagokienez, Deustuko Unibertsitatea eta Mondragon Unibertsitatea nabarmendu dira atal horretan, ordenagailu bat eskaintzen baitute hiru ikasle bakoitzeko. Master ofizialetan aldiz, EHUk dauka eskaintzarik osatuena, ehun master inguru banatzen baititu. Deustun eta Nafarroako Unibertsitatean hogeita hamar inguru dituztelarik, Mondragonen hamar bat eskaintzen dira eta hogei inguru, Nafarroako Unibertsitate Publikoan.

http://www.consumer.es/

Ariane Sanchez eta Maialen Zuazubiskar

Leioa Kampuseko ikasgelen obrek aldaketak jasan dituzte

2011ko Azaroaren 29an hasi ziren obrek  hainbat aldaketa jasan dituzte Euskal HerrikoUnibertsitateak aginduta. Proiektu honetarako berrikuntza zehatz batzuk egitea pentsatuta zegoen: ikasteko 9 gela, jantoki bat eta kopistegi bat, hain zuzen ere. Dagoeneko ikasgelak bakarrik eginak daude, baina ez hasieran erabaki  zen moduan. Izan ere, 9 gela eraiki beharrean, 7 egin dituzte. Bestalde, kopistegiari dagokionez, hau lekuz aldatu behar izan dute bestelako obrak zirela eta.

10 hilabatez lanean jarduten ari dira  Zientzia eta Teknologia Fakultatea eta Gizarte Zientziak eta Komunikazio Fakultateen artean dagoen edifizioan. Bertan lanean dabilen Iñaki Díaz de Zero produkzio buruak adierazi duenez, guztira 54 pertsona dira fakultatearen leku zehatz horretan lanean dabilenak. Bestetik, lana eta denboraren kontuei dagokienez, ez dutela “istilu” handirik izan aitortu du.

           Honen segidan, fakultatean ikasten dabilen gazte batek obra hauek ez dituztela oztopo handirik suertatzen azpimarratu du. Are gehiago, kampusaren irisgarritasuna hobetzeko, aurrerapauso oso garrantzitsua izango dela pentsatzen du.